Дуучин @amrashk – Чихэвч, Өсгөгч, Kindle...

Өөртөө үнэнч, тууштай явахад юунд ч хүрч чадна.

01. Чихэвч

Хөгжмийн хүнд чихэвч бол тун чухал бүтээгдэхүүн. Ирсэн аяа сонсох, драфт гаргах зэрэг ажлууддаа уг чихэвчийг ашигладаг.

02. Өсгөгч

Бэлэн болсон дуунуудаа сонсох хэрэгцээ ихтэйгээс гадна гэртээ байхдаа байнга л хөгжим хангинуулж байдаг болохоор гоё дуугаралттай, усны хамгаалалттай энэ өсгөгч их таалагддаг.

03. Ном ба Kindle

Номуудаа цахим болон биет хэлбэрээр хослуулж уншдаг. Аль 2014 оны үед авч байсан Kindle маань одоо ч асуудалгүй ажилладаг тул солих шаардлага гараагүй л байна. Яг одоогоор Г.Аюурзана гуайн “тэдний сүүдэр бидний сэтгэлээс урт” номыг уншиж байгаа.

04. Airpod

Гадуур явж байх үед Airpod тун амар. Бэлэн болсон миксмастераа шалгах, хөгжим сонсохдоо түлхүү хэрэглэдэг.

05. Eye palette

Morphe Х Nikita-гийн хамтран гаргасан уг теньний цуглуулга их таалагдсан. Euphoria үзэж байгаа болохоор ч тэр үү, ягаан, саатай гэх мэт тод өнгөнүүдээс нь туршихад сонирхолтой байгаа.

06. Төлөвлөгч дэвтэр

Жил бүр шинээр monthly planner авч ашигладаг. 2022 ондоо зориулж захиалсан байсан дэвтэр маань ирэхгүй удаад байхаар нь Минисо ороод л бэлэн дэвтэр авчихсан. Дажгүй шүү.

07.  Card holder

“Голомт” банкинд ажилладаг байхад бүх ажилтнууддаа “Марал” брэндийн уг картны гэрийг бэлэглэж байсан юм. Чанартай, үзэмжтэй. Үнэхээр таалагддаг. Сонирхуулахад, миний үндсэн мэргэжил санхүүч шүү (инээв).

08. Гарын тос

Арьс чийглэг, зөөлөн байхад таатай, тухтай байдаг. Тиймээс цүнхэнд багтах жижиг савлагаатай гарын тос байнга авч явдаг. Одоогоор Face shop-ын энэ тосыг ашиглаж байна.

09. Macbook Air

Бас л багагүй хугацаанд ашиглаж байгаа. Ер нь анзаарсан бол би юмыг барагтай бол сольдоггүй, аль болох тултал нь ашиглахыг боддог төрлийн хүн. Байгальд ээлтэй, шаардлагагүй зардал багатай гэх үү дээ. Өдөр тутмын болон ажлын хэрэгцээнд Macbook Air маань яг л тохирдог.

10. Бөгж

Уг нь би тийм ч шашинлаг хүн биш л дээ. Гэхдээ энерги талаасаа энэ мэт нүдний дүрстэй аксессуарууд элдэв зүйлээс хамгаалж чадах юм шиг санагддаг. Эсвэл би тэгэж итгэдэг байх. Тиймээс олон хүний өмнө гарч дуулахдаа ийм төрлийн аккессуар хэрэглэдэг.