ROC Lifestyle Shop

"Кофе, шинэ үеийнхний амьдралын хэв маяг, дулаан уур амьсгал"
///reform.filled.relished

01. Орчин

Мод хийгээд байгалийн өнгө, ногоон ургамал зэргийг хослуулан дотоод тохижилтоо бүрдүүлсэн нь анх ороход дулаан уур амьсгал мэдрүүлж байлаа. Эднийх орчин бүрдүүлэлт, интерьер дизайн зэрэгтээ ихээхэн анхаарал хандуулсан нь илт.

02. Захиалгын киоск

Ормогц нүдэнд илхэн харагдах киоскоор дамжуулан кофегоо захиалчихлаа. Хүнтэй харилцахгүйгээр хэдхэн товч дараад болчихсон нь их хурдан, амар юм билээ.

03. Candy

Киоск дээр банкны үйлчилгээнээс гадна Candy цахим мөнгөөр төлбөрөө хийх сонголт бий. Утаснаасаа QR код уншуулаад л болчихын зэрэгцээ 5000₮-с дээш гүйлгээ хийсэн тул хоёр удаа Candy хүрд эргүүлэн, урамшуулал авсан нь зугаатай санагдав.

04. Ухаалаг, дагалдах хэрэгслийн булан

Киоскийн хажууханд гар утас, дагалдах хэрэгслүүд байрлуулсан булан байв. Энд албан ёсны эрхтэй, оригинал бүтээгдэхүүнүүд борлуулдаг. Цэнэглэгчээ мартсан эсвэл эвдэрчихсэн үед аминд орохоор л юм.

05. ТВ

Кофегоо хүлээх зуур орчноо ажиглаваас хананд байрлуулсан том телевизээр VOO үзэх боломжтой нь харагдав. Мобикомынхон саяхан ОТТ технологи бүхий тус үйлчилгээг нэвтрүүлсэн билээ.

06. R.O.C

Кофе маань ирлээ. Эднийх R.O.C-той хамтарсан нь тун ч мэдрэмжтэй сонголт санагдсан. Кофены амт чанарын талаар ярих нь илүүц биз ээ.

07. Таблет

Кофе уунгаа ширээн дээр байрлуулсан таблетыг сонирхож үзэв. Сүүлд "Хуурцаг" нэртэй Монголын Хип Хопын тухай баримтат кино анхаарал татаж байсан нь VOO-ийн өөрсдийн бүтээсэн контент (VOO Original) байжээ. Сонирхолтой л юм.

08. Уулзалтын өрөө

Удалгүй уулзахаар товлосон хүмүүс маань бууж ирэв. Мобикомынхонтой хийх бизнес уулзалтууд ийм тухтай өрөөнд, амттай кофетой болдог болсон нь сайхан шүү.

09. Ухаалаг дэлгэц

Уулзалтын өрөө ухаалаг дэлгэц, самбар, олон оролттой залгуур гээд хурал, уулзалтад хэрэгцээт бүхий л зүйлсээр тоноглогдсон байлаа.

10. Ухаалаг ширээ

Уулзалтын өрөөнөөс гараад өөртөө үйлчлэх хэсэг гэсэн буланд байх энэ ширээн дээр тоглоом тоглохоос гадна интернетээр аялах, мэдээлэл авах зэрэг боломжтой юм байна.