Дарс бол бидний амьдралын хамгийн дотно, магадгүй дулаан, бас эрхэм хэрэглээний нэг билээ. Түүх, домог, уламжлал, хэрэглээгээрээ үргэлж л бидний гайхашруулж, сэтгэл хөдлөлийг дээд цэгт тулгаж байдаг дарсны тухай таны мэдээгүй, бас сонсоогүй байж магадгүй сонирхолтой баримтуудыг бид энд нэгтгэв. Таны амралтын мэдлэгт нэмэр болох энэхүү нийтлэлийг бид эрчүүдийн сонголт Calvet брэндтэй хамтран бэлтгэлээ.

1600 жилийн настай дарс

Дарсыг зөв орчинд, удаан хадгалах тусам амт чанар нь сайжирч, үнэ цэн нь нэмэгддэг гэдгийг бүгд мэднэ. 7000 жилийн өмнө Иранд дарс нэрж байсан үлдэц олдсон гэхээр хүн төрөлхтөн дарстай хэдийнээс нөхөрлснийг амархан илтгэх мэт. Тэгвэл дэлхийн хамгийн удаан хадгалагдсан дарс бараг 1700 жилийн настай гэвэл та итгэх үү? Германы Шпэйэр хэмээх хотын музейд хадгалагдаж буй энэхүү дарсыг онгойлгох, амталж үзэх оролдлого "хэд хэдэн удаа" гарч байсан учраас маш өндөр хамгаалалт дунд хадгалдаг гэнэ шүү.

ХАМГИЙН ИХ ХЭРЭГЛЭДЭГ УЛС

Дарсыг хамгийн их хэрэглэдэг улс юу гэж бодож байна? Ихэнх хүмүүс Европын аль нэг улс, магадгүй Франц, Италийг сонгох байх. Бид ч мөн адил. Гэвч статистик үзүүлэлтээр Хятадын ард түмэн дэлхийд хамгийн их дарс хэрэглэдэг гэнэ. Хятадад 1,8 тэрбум шил дарс борлуулагдсан нь дэлхийд тэргүүлэх үзүүлэлт болсон бөгөөд 2014 оноос хойш энэ амжилтаа хадгалсаар байгаа аж.

Гэхдээ нэг хүнд ногдох хэрэглээгээрээ Хятад улс бүр 20-р байр луу ухардаг. Энэ жагсаалтыг Европын "даруухан" улсууд болох Андорра, Ватикан тэргүүлдэг гэнэ. Wine Institute-ийн судалгаагаар Андоррад нэг хүн жил бүр 56,9 литр, Ватиканд 56,2 литр тус бүр хэрэглэдэг аж. Хорват, Португал, Францын иргэд дараагийн байруудад бичигдсэн байна.

Чанарыг Шалгагч төхөөрөмж

Олон жил хадгалагдсан үнэ цэнтэй дарс дуудлага худалдааны төвүүдээр дамжуулан эзэддээ очдог соёл бий. Гэвч хадгалсан жил, бодит чанар хоёрын хооронд зөрүү гарах тохиолдол цөөнгүй. Хормын дотор амтыг нь "хөгшрүүлж" орхидог технологийг Хятадууд нээсэн нь ч байдлыг дордуулсан гэдэг. Гэхдээ экспертүүд эсрэг аргыг олж, цацраг идэвхит бодис хэмжигч болон MRI төхөөрөмж ашиглан дарсны чанар, хадгалалтын нөхцлийг мэдэж, хэрэглэгчдэдээ үнэ цэнийн баталгаа өгдөг болсон гэнэ шүү.

үнэгүй дарс урсдаг оргилуур 

Дарсан оргилуур гэж сонсож байсан уу? Хаа нэгтээ зүүдэнд орсон эсвэл мөрөөдлийн гэмээр энэ зүйл үнэхээр байдаг. Италийн Калдари ди Ортона хэмээх тосгонд 24 цагийн турш үнэгүй ууж болох оргилуур нээгдсэн нь жуулчдын дунд хит болжээ. Тахал намжингуут Европ явахаар зэхэж буй бол Ромоос холгүйхэн орших Ортона хотыг зорьж, амтаараа гайхагдсан орон нутгийн дарсны охиос амсаж үзэхээ бүү мартаарай.

БҮРГЭДЭН САХИУСТ ДАРС

Алдартай брэнд бүтсэн түүх, түүнтэй холбоотой түүхүүд зуун дамнан яригдаж, хэрэглэгчдээ татах, урамшуулах нэг гол хөшүүрэг нь болсоор байдаг. "Эрчүүдийн" хэмээх тодотголтой Calvet брэндийн түүх ч маш сонирхолтой. 1808 онд өвлөн авсан усан үзмийн талбайдаа дарсны бизнесээ эхлүүлсэн Ж.Калве нэгэн бүргэд хар хурдаараа талбай руу нь шумбаж, боловсорч гүйцсэн усан үзмийг нь зуун одохыг харжээ. Удалгүй Бордод зочилж явахдаа тэр бүргэдээ ахин олж харсан Калве ноёнтон тэр цагаас хойш бүргэдийг усан үзмийн бутыг нь хамгаалдаг сахиус хэмээн дээдлэх болж, бүргэд ч жил бүр ургацын цагаар үзэгдэх болсон гэдэг. 19-р зууны үеэс л топ брэндүүдийн нэгт тооцогдох болж, алсын Аргентинд хүртэл борлуулагдаж явсан тус брэнд өдгөө дэлхийн 110 гаруй оронд, тэр дундаа Монголд хамгийн эрэлттэй, өндөр үнэлгээтэй дарсны нэг болж чаджээ.

Уур амьсгалын өөрчлөлт дарсанд ч нөлөөлнө

Уур амьсгалын өөрчлөлт бидний мэдэх бүх зүйлсэд нөлөөлж, олон зүйлийг дэг жаягийг эвдэж байгааг бид мэднэ. Тэгвэл энэ өөрчлөлт дарсны үйлдвэрлэл, хэрэглээнд ч нөлөөлөхийг судалгаанууд баталжээ. 2006 онд дэлхийн дулаарал нь өндөр чанартай дарсанд хэрэглэгддэг усан үзмийн ургацанд нөлөөлж, 2100 он гэхэд нийт үйлдвэрлэлийн 81 хувийг үгүй хийх тухай тооцоо гарсан байна. Дэлхийн дулаарлын эсрэг тэмцэх бас нэгэн шалтаг байгаа биз?

эмэгтэйчүүд илүү амт мэдэрдэг

Эрдэмтдийн хийсэн судалгааны дүнгээр эмэгтэйчүүдийн дарсыг амтлах, үнэрлэх чадвар эрчүүдээс илт илүү байдаг гэнэ. Нийт 4000 хүнийг оролцуулсан судалгааны дүнд эмэгтэйчүүд өмнө нь амталж байсан дарсаа илүү таньж, экспертүүдийн дүгнэсэн чанарын үзүүлэлттэй илүү ойртсон сонголтуудыг хийж байсан гэнэ шүү. Уучлаарай, эрчүүд ээ.