iPhone-оор эхэлсэн ухаалаг утасны өрсөлдөөнд сүүлийн жилүүдэд манай урд хөрш хүчтэй тоглогч болов. Тодруулбал, 2024 онд хамгийн олон тооны ухаалаг утас борлуулсан 15 компанийн 8 нь БНХАУ-ын компаниуд байх аж. Тэд хүчирхэг үзүүлэлтийг хямд үнээр буюу бусад салбарт хэдийн танигдсан масс үйлдвэрлэлээ давуу талаа болгосон нь энэ амжилтыг дагуулсан билээ. 

Эдгээр компаниуд дотроос сүүлийн жилүүдэд хүч төрөн гарч ирж буй брэнд бол оронд Better For All уриатай ZTE. Тэд энэ оны эхний хагаст л гэхэд 4.5 сая гар утас борлуулжээ. 

Хүчирхэг үзүүлэлт, чамин дизайн, технологийн дэвшлийг хослуулсан ZTE брэнд хүн бүрийн сонирхол, амьдралын хэв маягийг онцгойлж, түүнд нийцсэн гар утас бүтээдгээрээ ялгардаг. Инновацыг бүгдэд хүртээж, тогтвортой, хөгжил сайхан ирээдүйг бүтээхэд хувь нэмрээ оруулах зорилго нь зөвхөн гар утас бус бусад технологийн төхөөрөмжүүдээр нь ч илэрдэг билээ. 

Энэ оны Mobile World Congress-ийн үеэр ZTE-ийн танилцуулсан шинэ үеийн экосистем

Samsung-д Galaxy, Apple-д iPhone, Google-д Pixel гэж байдаг шиг ZTE-ийн урдаа барьдаг загвар бол Nubia. Энэхүү нийтлэлээр эл брэндийн 2024 онд танилцуулсан хүн бүрийн хэрэгцээнд нийцэх Nubia Flip болон Nubia Neo 2 гар утсыг танилцуулъя. Та эдгээр гар утсыг Мобикомоос бэлнээр болон ХҮҮГҮЙ зээлээр худалдан авах боломжтой.

ZTE ба Nubia

Хэрэгцээнд тань нийцэж, хүслийг тань биелүүлэх уриатай ZTE брэнд 2010 оноос Андройд үйлдлийн системтэй ухаалаг утас үйлдвэрлэж эхэлсэн юм. Угтаа тэд 1985 оноос эхлэн харилцаа холбооны төхөөрөмж үйлдвэрлэж эхэлсэн салбарын тэргүүлэгчдийн нэг.


ZTE-ийн 2012 онд үүсгэн байгуулсан Nubia брэнд 2016 онд алдарт хөлбөмбөгчин Кристиано Роналдотой хамтран дэлхий дахинд танигдаж байв. Харин 2017 онд нэмэлт хөрөнгө оруулалт татаж, ZTE-ийн эзэмших хувь 49.9 хувь болсноор нэг компаниас хараат бус болж, илүү өргөн хүрээнд ажиллах боломж нээгдсэн түүхтэй. Үүний ганцхан жишээ нь тэдний 2018 онд танилцуулсан гар утасны тоглоомчдод зориулсан Red Magic брэнд юм. Энэхүү загвар өдгөө дэлхий даяар гар утас тоглоомчдод таашаагдаж, тэдний найдвартай хамтрагч, хүсэмжит төхөөрөмжөөр тодроод буй.

Nubia Flip

Эвхэгдэг утасны хэрэглээ жил ирэх бүр нэмэгдэж байгаа энэ цаг үед томоохон брэндүүд бүгд Flip, Fold гэх зэрэг нэртэй утаснууд үйлдвэрлэх болов. Дэлгэсэн үедээ таблет шиг том, эвхэгдсэн үедээ энгийн утаснаас ч жижиг байдал нь энэ төрлийн загварын хэрэглээг нэмэгдүүлж байгаа юм. Түүнээс гадна утасны их бие том байх тусам түүн дотор багтаах технологи буюу батарей, чанга яригч, камер, процессор зэргийн хүч нэмэгдэх боломжтой болдог.

Nubia Flip бол нээлтээ хийгээд хагас жил болж буй энгийн утас шиг 6.9 инчийн дэлгэцтэй ч голоороо нугаран жижиг болдог ид шидтэй утас. Том хэмжээтэй гар утас хэрэглэх хүсэлтэй ч өдөр тутамдаа авч явахад төвөгтэй, халаасанд багтахгүй гэх зэрэг асуудал тулгардаг хүмүүст хамгийн тохиромжтой гэсэн үг.


Дан ганц хэмжээнээс гадна энэхүү утас нь 120Hz, 1 тэрбум өнгө гаргах чадалтай OLED дэлгэцтэй. Энэхүү дэлгэц 200,000 удаагийн эвхэлтэд тэсвэртэй гэнэ. Энгийнээр бол та өдөрт 100 удаа нээж, хаалаа ч таны дэлгэц 5-6 жил ямар ч асуудалгүй ажиллах юм. Android 13 дээр суурилсан MyOS 13 үйлдлийн систем, Qualcomm Snapdragon 7 Gen 1 чип, 8GB-12GB шуурхай санах ой, 128GB-512GB багтаамж, 4310mAh батарей зэрэг нь орчин цагийн ямар ч хэрэглээнд зохицно. Арын камер нь өргөн өнцгийн 50MP бөгөөд 4K нягтшилтай дүрс бичлэг хийх боломжтой. Харин нүүрний өөрөг камер нь мөн өргөн өнцгийн 16MP.


Nubia Neo 2

Гар утасны тоглоомчдод зориулсан энэхүү утас нь төсөр үнээр хүчирхэг үзүүлэлтийг санал болгож буй. Unisoc T820 чип, 20GB хүртэл нэмэх боломжтой шуурхай санах ой, хамгийн гол нь 6000mAh батарей нь бүх төрлийн тоглоомд хангалттай.

Мөн дээд буланд байх хоёр товчийг хүссэнээрээ тохируулснаар тоглоом тоглож байхдаа аливаа үйлдлийг илүү хурдан хийж, өрсөлдөгчөөсөө урьтах боломжтой. Хэдийгээр биет сэнсгүй ч халууныг бууруулах, жигд тараах тусгай материалтай тул хэт халах асуудал гарахгүй. Дэлгэц нь 6.72 инч бөгөөд дээд талдаа 120Hz, батарей хэмнэх үүднээс 60Hz дүрслэлийг гаргаж чадна.

Шар, саарал, хар өнгөний сонголттой ба өнгөнөөс үл хамааран хаанаас нь ч харсан и-спортыг мэдрүүлэх загвар нь тоглоом сонирхогчдод таалагдах нь лав.