Хэрвээ танд биеийн эрхтнүүдийг хамгийн чухлаас нь жагсаах даалгавар ирвэл хэрхэн бичих вэ?

Энэ асуулт миний дагадаг нэгэн эмчид сошиалаар ирсэн байсан юм. Ямар жагсаалт гарах нь, бас яагаад гэдгээ тайлбарлах нь сонирхолтой байсан учир хариултыг нь шимтэн хүлээлээ. Түүний жагсаалтын эхэнд тархи, дараа нь зүрх байсанд би нэг их гайхсангүй. Харин дараа нь бөөр хэмээн онцолсон нь ихээхэн анхаарал татсан юм. Ийнхүү Б.Пьер эмчийн сонголтоо зөвтгөсөн шалтгаануудыг уншаад, өөрөө ч эрэл хайгуул хийж, мэдээлэл цуглуулснаа ийн нэгтгэн хүргэж байна.

Бөөр. Хүний биеийн хамгийн "дутуу үнэлэгдсэн" эрхтний талаар та хэр их мэдэх вэ? Бид дараах нийтлэлээр бөөрний талаар таны мэдэх ёстой, мэдвэл зохих бүхнийг тайлбарлалаа.

ХҮНИЙ БИЕИЙН ШҮҮЛТҮҮР

Хамгийн энгийнээр хариулбал бөөр бол хүний биеийн шүүлтүүр, арай дэлгэрүүлбэл биеэс хорт бодисыг шүүж шээсээр гарган, шимтэй бодисыг авч цусанд нийлүүлдэг хос эрхтэн юм. Бүтцийн хувьд шош хэлбэртэй бөгөөд ойролцоогоор 10 см урт, 6.5см өргөн, 3 см зузаантай байдаг нь атгасан гарны хэмжээтэй ойролцоо гэсэн үг. Тиймдээ ч та бөөрийг шош хэлбэртэйгээр дүрсэлсэн зураглалтай сошиал орчинд их таарна. Нурууны нугаламтай ойрхон хэвлийн хойд хөндийн хэсэгт байрлах ба баруун бөөр зүүнээсээ бага зэрэг доор байрладаг.

Бөөр минутад 90 мл гаруй цус шүүх чадалтай бөгөөд биед олон чухал үүргийг гүйцэтгэдэг амин хос эрхтэн юм. Шээс үүсгэж ялгаруулахаас гадна биеийн эрдсийн солилцоо, хүчил, шүлтийн тэнцвэрт байдлыг хангах, цаашлаад цусны даралтыг тогтворжуулах, биеийн усны тэнцвэрийг барих олон чухал үүргийг гүйцэтгэнэ.

Цаг уурын эрс тэс уур амьсгалтай учир манай оронд бөөрний өвчлөл харьцангуй өндөртэйд тооцогддог. Өндөр уулын бүсэд оршдог учраас иргэдийн дунд элдэв бөөрний өвчинд өртөмтгий болгодог даралт ихсэх явдал, хотжилт болон стрессээс үүдсэн чихрийн шижингийн өвчлөл их байдаг гэнэ. Хэдийгээр нарийн тоо байхгүй ч халдварт бус өвчний нас баралтаар гуравдугаарт жагсдаг нь уг өвчний аюулыг хангалттай илэрхийлэх ажээ.

ЦАГ ХУГАЦААНЫ ТОВЬЁОГ

Хүн төрөлхтөн үргэлжид л бөөрний өвчнөөр шаналсан боловч энэ эрхтэнгийн талаар сүүлийн 4000 жилд л танин мэджээ. Бөөрийг тусдаа эрхтэн биш зүгээр л зүрхний нэг хэсэг хэмээн үздэг байсан үеэс бөөр шилжүүлэн суулгаснаар хүнд амьдрал бэлэглэж болохыг ойлгосон орчин үеийн анагаах ухаан хүртэл бид ихийг туулсан. Үүний тулд бүх цаг үеийн эрдэмтэд ажиглалт, туршилт хийн өмнөх үеийн онолуудаа няцаан эсвэл батлан сайжруулсаар бөөрний талаарх одоогийн мэдлэг, эмчилгээний аргуудыг нээн бий болгожээ.


Архи ба бөөр: Манай түүхийн бөөрний талаарх анхны эх сурвалж нь Месопотамийн үеийн шавар эдлэл дээрх тэмдэглэл юм. Вавилоны эмч нар бөөрний чулууны өвчлөлийн тухай тэмдэглэсэн байдаг бөгөөд шар айраг, алкохол чулуу үүсгэж байгааг тогтоон эмийн ургамлаар эмчлэх аргыг боловсруулж байжээ. Төстэй санагдахгүй байна уу?

Дурсамж ба бөөр: Харин эртний египетчүүдийн хувьд бөөрийг зүрхний нэг хэсэг гэж үздэг байсан бөгөөд "Үхэгсдийн ном"-д сэтгэл, дурсамжийн илэрхийлэл хэмээн тэмдэглэсэн байдаг. Тиймээс нас барсан хүнээ занданшуулж үлдээхдээ бусад эрхтэнг нь авсан хэрнээ зөвхөн бөөр, зүрхийг үлдээдэг байжээ.

Библи ба бөөр: Библийн сударт бөөр нь яг 30 удаа дурдагдсан байдаг гэнэ. Бөөрийг бурхадтай харьцах толь, хүний оюун ухаан, сэтгэлийн тусгал гэж үздэг хандлага ажиглагддаг аж. Тиймээс ч бурхдад өргөл барьц өргөхдөө амьтдын бөөрийг ашигладаг байсан гэх.

Хоосон ба бөөр: Ажиглалт дүгнэлтэд үндэслэх ёстой гэх сургаалыг баримталдаг эртний Грекийн эрдэмтэд бөөрийг нэг их ойшоодоггүй байсан юм. Бүр Аристотель хүртэл бөөрийг хүний амьдралд шаардлагагүй эд хэмээн үздэг байжээ.

Гэхдээ гладиаторуудын мэс засалч, эмч байсан гэдгээрээ алдартай Гален бөөрийг шээс ялгаруулах үүрэгтэй гэж үзсэнээр тухайн үеийн чиг хандлагыг орвонгоор нь эргүүлж, бөөрийг шүүлтүүр гэх давамгайлах үзлийг эхлүүлжээ. Энэ мэтчилэн бүх цаг үеийн эрдэмтэд ажиглалт, туршилтын үндсэн дээр өмнөх үеийн онолуудаа няцаах буюу батлан сайжруулсаар бөөрний талаарх эмчилгээний аргуудыг нээсэн юм.

ТООНЫ ХЭЛЭЭР

1: Бөөр цусны 99 хувийг нөхөн сэргээж, ердөө нэг хувийг нь л шээс болгон гадагшлуулдаг.
30: Хүний биеийн бүх цус 30 минут тутамд, өдөрт 50 орчим удаа бөөрөөр дамжин шүүгддэг.
500: Хүн давсгандаа 50-500 мл хүртэлх шээсийг хадгалах боломжтой.
1933: Бөөр шилжүүлэн суулгах мэс заслын хамгийн анхны оролдлого 1933 онд хийгдсэн.
1,150,000: Бөөрний шүүлтүүрийн системийг бий болгодог нефрон нь хүний биед 1.1 сая ширхэг байдаг бөгөөд эдгээрийг нэг эгнээнд оруулж үзвэл 8 км урттай болно гэнэ.

нэр томъёоны лавлах

Дэлхийн хүн амын 10 гаруй хувь нь бөөрний өвчтэй байдаг. Бөөрний өвчин олон шалтгаанаар үүсгэгддэг хэдий ч ихэвчлэн чихрийн шижинтэй, цусны даралт ихэсдэг архаг хууч өвчтэй хүмүүст элбэг тохиолддог. Мөн нэгэнт бөөр гэмтэн үйл ажиллагаанд нь доголдол үүсвэл биеийн бусад эрхтнүүдэд нөлөөлж, ясны сийрэгжилт, мэдрэлийн гаралтай өвчнүүдийг үүсгэдэг байна. Бөөрний нийтлэг тохиолддог өвчнүүдийг дурдвал:

Бөөрний архаг дутагдал - Цусан дахь сахарын хэмжээ удаан хугацаанд өндөр байвал аажмаар бөөрний судасны ханыг гэмтээдэг. Үүнээс үүдэн бөөр цусыг шүүхэд хүндрэл учирч, биеэр хорт бодис тархдаг байна.

Бөөрний чулуу - Бөөрний чулуу гэж цусан дахь эрдэс бодисууд талсжин бөөгнөрч, бөөрөнд наалдсаныг хэлнэ. Уг өвчин үүсэх эсэх нь удамшлаас их хамааралтай хэдий ч мах, давсны хэрэглээ өндөртэй хүмүүст зонхилон тохиолддог.

Бөөрний түүдгэнцэрийн үрэвсэл - Энэ үрэвсэл нь бөөрний дотор цусыг шүүж байдаг маш жижиг хэсэг гэмтсэнээс бий болдог. Энэ гэмтэл нь ихэвчлэн халдвар авах, мансууруулах бодисын нөлөө, төрөх үеийн хүндрэл зэргээс бий болдог.

Бөөр унжих - Бөөр биднийг босох, суух, хэвтэх бүрд дээш доош 3-5 см зайд шилжин хөдөлж байдаг. Харин энэ хөдөлгөөн хэвийн хэмжээнээс ихэссэнийг бидний хэлж заншсанаар бөөр унжих буюу нефроптоз хэмээн оношилдог. Энэ нь ихэвчлэн турж эцсэн, булчин суларсан, гэмтэл авсан хүмүүст тохиолддог байна.

Шээсний замын халдварууд - Шээсний замын аль нэг хэсэгт бактерийн халдвар орсноос үүддэг өвчнүүд бий. Эдгээр нь харьцангуй амархан эмчлэгддэг бөгөөд эрүүл мэндэд төдийлөн нэг их ноцтой асуудал үүсгэдэггүй. Гэсэн хэдий ч хүндрэх юм бол бөөрөнд халдварлан бөөрний дутагдалд ч хүргэж болно.

Түгээмэл асуулт хариулт

1. ЯАЖ БӨӨР ӨВДСӨНИЙГ МЭДЭХ ВЭ?

Бөөрний өвчлөлийг рентген, томограф, шээсний шинжилгээ, цусан дахь кератинины шинжилгээ зэргээр оношилдог. Энэ төрлийн өвчин хүндрэх хүртлээ биед ямар нэг зовуурь мэдрүүлдэггүй учир хүмүүс эмнэлэгт очихгүй удах нь элбэг. Иймд танд дараах шинж тэмдгүүд илрэх юм бол эмчид хандаарай.

2. ХЭРХЭН БӨӨРӨӨ ХАМГААЛАХ ВЭ?

Бөөр өвчлөхөд удамшил, нас, хүйс зэрэг бидний хянаж чадахгүй хүчин зүйлс нөлөөлөх нь бий. Гэсэн хэдий ч бөөрний өвчнөөс урьдчилан сэргийлэх боломж бий. Та яг одооноос дараах аргуудыг туршаад үзээрэй.

  • Ус сайн уух
  • Давсны хэрэглээгээ багасгах
  • Дасгал хөдөлгөөн хийх
  • Тамхинаас гарах
  • "Энхжин" бөөр хамгаалах цайг хэрэглэх
  • Цусны даралтаа хэвийн байлгах
  • Эмийн хэрэглээгээ багасгах
  • Тогтмол шинжилгээ өгөх

3. ЯМАР ХООЛ ХҮНС БӨӨРӨНД САЙН БЭ?

Загас, чихэрлэг төмс, жимс жимсгэнэ, тэр дотроо алимыг бөөрний үйл ажиллагааг дэмждэг, эерэг нөлөөтэй гэж үздэг. Харин бөөрний чулуунаас урьдчилан сэргийлэхийн тулд дараах хоол хүнсийг хэтрүүлэн хэрэглэхээс татгалзаарай.

  • Натри ихээр агуулдаг хоол хүнс: Үхрийн мах, тахиа зэрэг амьтны гаралтай уураг
  • Нимбэгний хүчил агуулах хүнс: жүрж, нимбэг, бэрсүүт жүрж зэрэг цитрус жимснүүд
  • Оксалат агуулдаг хүнс: Нишингэ, бууцай, чихэрлэг төмс, шоколад зэрэгт байдаг
  • Кальцийн бэлдмэл (эмчтэйгээ зөвлөлдөж хэрэглэх)

САЯ ДОЛЛАРЫН эргэлзээ

Бөөрөө өвдөнгүүт нь л үзүүлээд эмчлүүлчихнэ дээ
Буруу. Бөөр бол чимээгүй эрхтэн. Ялангуяа өвчлөлийн эхэн үед ихэнх өвчтөн ямар нэгэн шинж тэмдэг мэдрээгүй байдаг. Гэтэл 2040 он гэхэд дэлхийн хүн амын нас баралтын 5 дахь түгээмэл шалтгаан болох магадлалтай байгаа бөөрний өвчин бидний анзааргагүй, мэдээлэлгүй байдлаас болж улам бүр нэмэгдсээр л байна. Тиймээс өвдөхөөсөө өмнө шинжилгээ өгч, эсвэл тогтмол урьдчилан сэргийлэх арга хэмжээ авч байж л өөрийгөө хамгаалж чадна.

Ус уугаад л байхад бөөрөө детокс хийчихнэ дээ
Буруу. Зарим эх сурвалж хүн өдөрт 8 аяга ус уухад бөөрөө цэвэрлэж, муу муухай бүхнийг гадагшлуулдаг гэж түгээдэг. Бөөрний шүүлтүүр өөрөө асар төвөгтэй эд учир хэр их хэмжээний ус уухаас үл хамааран өөрийн үйл ажиллагааг зохицуулж чаддаг. Ус уух олон талаар сайн ч бөөрөнд шууд үйлчилж байгаа эсэх талаар судалгаа бага байдгийг санаарай. Нөгөө талаар детокс хэв маяг моод болж буй энэ үед ийм яриа элбэгших нь ч санамсаргүй хэрэг биш.

Яг үүн дээр бид танд зориулалтын бэлдмэл тогтмол ууж хэвших нь илүү үр дүнтэй хэмээн зөвлөж байна. Гэхдээ ам дамжсан ярианд үндэслэж хаа олдсон бүхнээ хэрэглэх биш, шинжлэх ухааны үндэслэлтэй, баталгаатай бүтээгдэхүүнийг сонгох нь чухал. Монголчуудын уламжлалт анагаах ухааны хамгийн алдартай, нөлөөтэй ургамалд тооцогддог "загасгал" ургамлыг найрлагандаа багтаасан, дархлаа сайжруулж, бөөрний үйл ажиллагааг хамгаалах үйлчилгээтэй Энхжин цайг бид санал болгоё.
Монголд ургадаг, эмнэх чадвар, биологийн идэвхт чанараараа үл орлогдох нарийн навчит цахилдаг, тэхийн шээг зэрэг эмийн ургамлуудыг найрлагандаа багтаасан уг цайг бөөр, шээсний замын халдварт өвчнөөс урьдчилан сэргийлэх зорилгоор бүх насныхан хэрэглэж болно. Ялангуяа хүйтэн сэрүүн, чийглэг орчинд, байнгын доргилттой нөхцөлд ажилладаг хүмүүст нэн тохиромжтойгоос гадна цистит хөдлөх, хөдлөхөөс урьдчилан сэргийлэх үйлчилгээтэй. Бөөр хамгаалах цайг 2 сарын турш өдөрт 2 удаа хэрэглэж бодит үр дүнг мэдэрдэг гэнэ.

ИРЭЭДҮЙГЭЭС ИЛГЭЭСЭН ЗАХИДАЛ

AI эмч
Google-ийн хөгжүүлж буй хиймэл оюун 700 мянган өвчтөний тоон өгөгдөл дээр ажиллан, бөөрний хурц дутагдлыг илрэхээс 48 цагийн өмнө оношлох боломжтой болжээ. Энэ бол анагаах ухааны хувьд том ялалт. Нэг өдрийн өмнө дутагдлыг илрүүлэх нь өвчтөний бөөр гэмтэхээс сэргийлж, диалезийн аппаратад орохоос сэргийлнэ гэсэн үг. Google-ийн өөр нэг төсөл DeepMind хэрэглэгчдийн гол үзүүлэлтийг тогтмол цуглуулж, эмч нартай хуваалцдаг апп-ийн тусламжтайгаар бөөрний эмгэгийг 97 хувийн нарийвчлалтай оношлох боломжтой болсон гэнэ.

ХЯМД АППАРАТ
Бөөрний архаг дутагдалтай хүмүүсийн амин чухал хэрэгцээ болсон диализийн аппаратын дэвшлийн ачаар илүү хямд, хүртээмжтэй болох боломжтой болжээ. Дэлхий даяар өдөр бүр 2.5 сая хүн бөөр орлуулагч буюу диализийн аппаратад орж буй ч энэ нь хэрэгцээтэй хүн амын ердөө 20 хувьд л хүрч байна гэсэн үг. 2030 он гэхэд энэ тоо 2 дахин өсөх тооцоо бий. Тэгвэл одоогийн аппаратын үнийг 20 дахин бууруулж, 1000 доллараас ч бага өртөгтэй болгож чадах шинэ шийдэл хэрэглээнд нэвтрэхэд ойрхон байна. 100 мянган долларын шагналтай "Affordable Dialysis Prize" тэмцээний ялагч уг бүтээл дэлхий даяар хэрэгтэй хүн бүрд энэ технологийг хүртээх боломжтой болжээ.

ТАНЫ МЭДЭЭГҮЙ СОНИРХОЛТОЙ БАРИМТ

ТОМ ЖИЖИГ: Баруун бөөр нөгөө бөөрнөөсөө илүү жижиг байдаг. Энэ нь баруун бөөр хүний биеийн хамгийн том эрхтэн болох элгэн доор байрладагтай холбоотой.
ЦЭВЭР АГААР: Бөөрөнд ч цэвэр агаар хэрэгтэй гэвэл та итгэх үү? Утаа, тортог, тоостой агаар амьсгалах нь бөөрний хэвийн үйл ажиллагаанд нөлөөлдөг гэдгийг сүүлийн үеийн судалгаанууд харуулсан гэнэ.
НЭГ ХОЁР: Танд хоёр бөөр байх шаардлагагүй бөгөөд нэг бөөрний 75 хувь л бүх үүргийг дангаар гүйцэтгэж чадна.
АМИН ДЭМ: Бөөр ч бас Д амин дэм боловсруулдаг. Гэхдээ таны арьс нарнаас Д витамин авч чадахгүй байгаад, элэг тань ялгаруулах гэж оролдоод бүтэхгүй бол эцсийн "аврагч" нь бөөр болдог гэнэ.

Та манай нийтлэлээс бөөртэй холбоотой шинэ зүйлсийг олж мэдсэн гэдэгт итгэлтэй байна. Бусадтай өөрийн мэдлэг, туршлагаа хуваалцахыг хүсвэл, эсвэл өөр ямар нэгэн зүйлийн талаар илүү ихийг мэдэхийг хүсвэл сэтгэгдэл үлдээх хэсгээр дамжуулан бидэнтэй холбогдоорой :)

Unread