Цахим спортын ертөнцөд монголчууд гэлтгүй дэлхий дахиныг шуугиулж буй “The Mongolz” багийн тухай таны заавал мэдэх ёстой зүйлсийг танилцуулж байна.

1. Тууштай зүтгэл

Юун түрүүнд энэ багийн түүх тэртээ 2013 оноос эхлэлтэй бөгөөд анх Dota 2 төрлөөр үүсгэн байгуулагдаж байсан бол 2015 оноос эхлэн CS буюу Counter Strike төрлөөр өргөжиж, өдгөө Монгол Улсдаа төдийгүй олон улсад хүлээн зөвшөөрөгдсөн цахим спортын баг болоод буй. Өнөөдрийн The MongolZ багийн бүрэлдэхүүнд:

- Б.Гарьдмагнай “bLitz”
- М.Содбаяр “Techno4K”
- Б.Өсөхбаяр “910”
- Б.Аюуш “mzinho”
- М.Азбаяр “Senzu” гэсэн тамирчдаас гадна дасгалжуулагч Б.Эрдэнэдалай буюу "maaRaa" багтаж байна.

bLitz, Techno4k нарын хувьд тус багийг анх босголцсон, туршлагатай тамирчид бол Mzinho ахынхаа орон зайг нөхөж, харин 910 хуучин, туршлагатай тамирчны халааг аван орж ирсэн билээ. Хамгийн сүүлд Senzu нэгдэж, одоогийн The MongolZ баг бүрэлдсэн түүхтэй.

2. Аваргын төлөөх тэмцэл

The Mongolz баг хуучин бүрэлдэхүүнээрээ 2016 онд IEM Taipei-д аваргалсан нь тэдний түүхэнд бичигдэх анхны ялалтуудын нэг байв. Ингэж тэд олон улсын тавцанд гарах эхлэлээ тавьсан билээ. Харин одоогийн бүрэлдэхүүнээрээ Yalla Compass 2024 тэмцээнд ялалт байгуулж, PGL Major Copenhagen 2024 тэмцээнд Азийн RMR-аас шалгарч анхны стикэрээ авсан нь мөн л түүхэн хожлууд байв. Тэд хамгийн сүүлд Thunderpick Championship 2024 тэмцээнд түрүүлж шинээр төрөн гарч ирж буй аваргууд гэдгээ дахин баталсан юм.

3. Ази тивийн тэргүүлэл

Valve-ийн чансаагаар дэлхийд тавдугаарт бичигдэж байсан тэд саяхнаас эхлэн HLTV-ийн чансаагаар дэлхийд есдүгээрт бичигдэж эхэлсэн. Ингэснээр The MongolZ Дэлхийд чансаагаараа эхний 10-т багтаж буй цорын ганц Ази баг болсон юм. Энэ бол Монголчууд гэлтгүй Азиудын хувьд туйлын бахархам амжилт билээ.

4. Тоглогч бүрийн үнэ цэн

Багийн спортод хамгийн чухал нь эв нэгдэл. The MongolZ багийн хувьд багийн тоглогч бүр тус тусын үүргээ тултал биелүүлдэг. blitz-ийн багаа чиглүүлдэг уран гоё “call”-ууд, Techno-ийн зоримог, давшсан тоглолт, 910-ын оновчтой, мэргэн буудалт, Mzinho-ийн торгон мэдрэмжтэй тоглолт, Senzu-ийн тэсрэлттэй тоглолт дээр мэдээж дасгалжуулагчийн ур ухаан нэмэгдэж, The MongolZ багийг аугаа амжилтад хөтөлсөн юм.


5. Амбиц

Монгол Улсын цахим спортын түүхийг бичилцэж буй тэдний хувьд аялал дөнгөж эхэлж байна. The MongolZ багийн гол зорилго зөвхөн Counter Strike төдийгүй өндөр зэрэглэлийн Valorant, Mobile Legends төрлүүдэд өрсөлдөж, олон улсын цахим спортын ертөнцөд өөрсдийн нэрийг тамгалах явдал. Мөн цаашид монголын цахим спортын тамирчид болон багуудын замналыг бэлдэж, олон олон боломжуудыг нээж өгөх үнэ цэнтэй зорилгыг өвөртөлж байна.

6. Итгэл

Тамирчдын хувьд дэмжлэг, урам зориг, итгэл гэдэг нэн чухал. Дэлхийд чансаагаараа дээгүүрт бичигдэх бодит үр дүн гаргахад ивээн тэтгэгчийн оролцоо асар нөлөөтэй. Өөр улсад очиж олон цагийн бэлтгэл хийх, дэлхийн шилдэг багуудаас туршлага судлах, стандартад нийцсэн бэлтгэлийн байртай байх зэрэг нь тэмцээндээ бүрэн төвлөрч, амжилтаа ахиулах томоохон түлхэц болдог.

The MongolZ багийн хувьд CS2 төрөлдөө шилдэгт жагсаж буй нь тэдний ивээн тэтгэгч 1XBet-тэй шууд хамааралтай. Европт байрладаг "bootcamp"-т очиж, чансаатай багуудын хамт чанартай бэлтгэл хийх бүхий л боломж, бололцоог бүрдүүлж, өнөөдрийн бодит үр дүнд хөтөлсөн 1XBet шиг найдвартай, тууштай түншүүд нэмэгдэх нь баг тамирчдад бодит дэмжлэг болж, улмаар цахим спортын цар хүрээ тэлэгдэх зэргээр салбарын хөгжилд онцгой ач холбогдолтой юм.

Сонирхуулахад, цахим спортын энэ цагийн домог The MongolZ багийнханд зориулсан ханын зураг /графитти/ ​Улаанбаатар хотын зүрхэнд нээлтээ хийгээд удаагүй байгаа бөгөөд ​энэхүү онцгой үйл явдалтай зэрэгцэн багийн гишүүд өөрсдийн ​фэнүүдтэйгээ уулзах гэж байна.


Маргааш буюу 11-р сарын 22-ны өдөр The MongolZ баг бүрэн ​бүрэлдэхүүнээрээ өөрсдийн дэмжигч, фэнүүдтэйгээ уулзаж, баярт мөчөө ​тэмдэглэх ба уулзалт ROC Caffeine Bar-т зохиогдоно. Хайртай багаа ​дэмжиж, халуун дотно нэгэн өдрийг өнгөрүүлэх энэхүү онцгой боломжийг цахим спорт сонирхогч ​та бүү алдаарай.