133050
5 Өнөөдөр бид хувийн санхүүгээ удирдахад туслах 2 гадаад, 1 монгол апп-ийг танилцуулж байна. Өмнө нь бид бас Spending 2 апп-ийг танилцуулж байсныг зарим уншигч маань санаж байгаа байх. Санхүүгээ хянаж явах апп-ийг ашиглаж сурах нь эхэндээ тун амаргүй байдаг ч ядаж 1 сарын турш тасралтгүй хэрэглэхэд цаашдаа тасалдалгүй хөтөлж явах сонирхол төрж, нэг ёсны "зугаатай" ажил болдгийг миний бие хувийн туршлагаасаа мэднэ. Тиймээс та бүхэн энэ төрлийн апп-ийг заавал туршиж үзээрэй.
Pocket Expense
Аль ч орны валютаар буюу монгол төгрөгөөр тохируулах боломжтой бөгөөд хийсэн гүйлгээ, орлого зарлагаа оруулахдаа өдрөө сонгоод, ангилалд хувааж, зураг эсвэл тэмдэглэл бичиж болдог. Хэрвээ сар бүр банкинд мөнгө тушаах шаардлагатай байдаг бол тэрийгээ өөртөө сануулах үүднээс сар өдрийг нь тохируулаад сануулчихна. Сарын төсвөө урьдчилан тогтоохоос гадна орлого, зарлага балансыг тань гаргаж өгнө. Аль сард хамгийн өндөр зарлагатай эсвэл орлоготой байсныг, юунд хамгийн их мөнгө зардаг, орлогын тань ихэнх хувийг юу эзэлснийг ч мөн тодорхой харуулдаг болохоор төсвөө хянахад түвэггүй байх болов уу. Хэрэглэхэд хялбар, ойлгомжтой бөгөөд үнэгүй учир хүн бүр хэрэглэх боломжтой.
Татах: iOS, Android
Wally
Forbes сэтгүүлээс онцолсон топ 10 стартапын нэг болох Wally нь хэрэглэхэд маш хялбар бөгөөд үнэ төлбөргүй учир хэрэглэгчдийн таашаалыг хүртээд байгаа. Хаана, хэзээ, юуг, яаж, хэр их үнээр гэсэн маш тодорхой зарчмаар ажилладаг. Нэмэлт зураг авах, тэмдэглэл хийх, орлого, зарлагаа жил, сар, улирлаар харах, төсвийн зорилт тавих, зорилтдоо хүрэхэд тань тусалж notification илгээнэ, цугласан датагаа excel дээр татах, хүсвэл нууц үг хийгээд хувийн мэдээллийнхээ нууцлалыг хангах боломжтой. Хамгийн сонирхолтой нь Wally танаас суралцаж хэрэглэх тусам ухаалаг болдог.
Татах: iOS, Android
Төсөвчин
Монгол банк “Олон нийтийн санхүүгийн суурь мэдлэгийг дээшлүүлэх үндэсний хөтөлбөр”-ийн хүрээнд “Төсөвчин” аппликэйшнийг өнгөрсөн 3 сард ашиглалтад оруулсан билээ. Иргэдийн санхүүгийн боловсролыг дээшлүүлэх зорилготой уг аппликэйшн нь орлого, зарлагаа хянах, хадгаламж, хуримтлалын төлөвлөгөө гаргах, моргейжийн зээлийн хүү бодох зэрэг хувь хүн санхүүгээ удирдах өргөн функцтэй. Түүнчлэн танд мэдлэг олгож зөвлөгөө өгөх контентуудтай нь их таалагдсан шүү. Мэдээж Монголын нөхцөлд тохируулсан апп гэдгээрээ онцлог.
Татах: iOS, Android
Сэтгэгдэл бичих (5)
B Begi 2021.02.16 192.82.68.37
Сайн байна уу? Дээр байгаа төсөвчин апликешн устсан юм болов уу? App store-с олдохгүй байна. Дээрхээс өөр санал болгох шинэ апп нэмэгдсэн үү?
З Золзаяа 2017.04.26 202.21.106.136
Өрхийн орлого, зарлагаа хөтөлсөнөөр Санхүүгийн үл ойлголцол, замбараагүй хэрэглээг хянах гэж дэвтэр дээр бичдэг байлаа. Бичиж хөтлөхийн нэг хэцүү зүйл нь сүүлд нь нарийвчилсан мэдээ харах гэж сүртэй юм болно. Гэхдээ болоод л байлаа. Харин "Өрхийн төсөв" -ийг хэрэглээд бараг 2 жил болж байна. Тун дажгүй програм болсон юм шиг санагддаг юм. Ер нь бол хүн өөрийнхөө боломжоор цаас, дэвтэр, мэдээллийн технологи ашиглан аль л боломжоороо хөтлөх нь чухал юм.
A Ankhbayar 2017.04.25 66.181.181.93
Pocket Expense app функцын хувьд Mint, YNAB шиг банкны данстайгаа app-аа холбох, автоматжуулсан гүйлгээ хийх гэх мэт элдэв нэмэлтүүдийг санал болгодоггүй. Манай банкууд ч тэр автоматжуулалтыг хийх боломжийг олгодоггүй, олгохгүй. Pocket дээр бүх орлого, зарлагаа нэг бүрчлэн хийхийг шаарддаг, тэр нь сул тал болдог. Гэвч одоохондоо Монголчуудад байгаа санхүүгийн хяналт хийх app сонголдуутаас хамгийн шилдэг нь Pocket Expense байсаар байна. Customer service ч бас дажгүй. 4$-р өөрийн data-гаа emport хийж аваад дараа нь өөр app-руу import хийгээд явах боломжтой.
О Од 2017.04.25 202.21.106.130
Төсөвчин апп их муу хийгдсэн санагдсан. Гүйцэтгэл дээрээ жоохон судалгаатай, сэтгэлтэй хандсан бол. Санаа нь уг нь зөв.
A Altanbagana 2017.04.25 202.131.228.214
Монгол банкных ч нээх их таалагдаагүй ээ. Мэдээлэл нь сар сараар гарахгүй. Өмнөх мэдээллээ устгаж байж шинийг оруулдаг гэх мэт. SocialPay-г гарсны дараа харин бодоход Голомт банк уул нь хэрэглэгчийн данстай холбосон ийм апп гаргавал гоё болох байх гэж бодож байлаа.