Хүний нийгэмд сайн, муу сүлэлдэн оршдог жамтай. Бид яаж ч хичээгээд хараас цагааныг, цагаанаас харыг нь салгаж чадахгүй билээ. Бидэнд санаа чилээх, уурлаж бухимдах олон асуудал бий. Хэдий тийм ч цаг хугацааны эрхээр юмс өөрчлөгдөж, нүдэнд харагдахгүй ч ахиц дэвшил гарч буйг сануулан “Болно доо, хэдүүлээ” хэмээн уриалахыг хүслээ.

Сонины нүүр зурагт нийгэм хэмээх үл үзэгдэх хайрцаганд оршиж буй, олон төрлийн зан ааштай хүмүүсийг харуулахыг зорив. Асуудал дуусахгүй. Ямар ч нийгэм, ямар ч цаг үед асуудалтай байна. Харин тэрхүү асуудлыг хэрхэн хүлээж авах, шийдэл олоход бодит нөлөө үзүүлэх эсэх нь уншигч таны сонголт юм.

Стрессээ тайлж, бодит байдлыг яг л байгаагаар нь харахад тус болох үүднээс “Монголын випашяна судлалын төв”-ийн тэргүүн Д.Ширэндэвийн ярилцлагыг нийтэллээ.

Долоо хоног тутмын сонины 11 дэх дугаар 11-р сарын 11-нд таарсан нь бидний хувьд тун бэлгэшээлтэй байв. Иймд сонины 11-р нүүрдээ 11-р сарын 11 буюу “Ганц биечүүдийн өдөр”-ийг тайлбарлахын зэрэгцээ Хятадын цахим худалдааны салбарын үсрэнгүй хөгжил, голлох тоглогчид, нууц хөзрүүдийг тайлбарлав.

Мөн Үндэсний Статистикийн хорооноос дөрвөн жил тутамд нэг удаа хийгддэг “Цаг ашиглалтын судалгаа 2023”-аас онцлох 20 үр дүнг хуваалцаж, орчин цагийн “Монголын нэг өдөр”-ийг A8-A9 өнгөт нүүрэндээ дүрслэв. Үргэлж гадагшаа бус хааяа ч гэсэн дотогшоо өнгийхийг сануулна гэдэгт итгэлтэй байна.

Өнгөрсөн долоо хоногт болж өндөрлөсөн АНУ-ын Ерөнхийлөгчийн сонгуульд Д.Трамп ялалт байгуулж, 21-р зууны хамгийн хүчирхэг гүрнийг ахин дөрвөн жил удирдах боллоо. Энэ талаар заавал мэдэх ёстой 10 тоотой A10 нүүрнээс танилцаарай.

Уншигч танд сайн сайхныг хүсье.


Онцлох нийтлэлүүд

7 хоногийн тойм: Трампын эргэн ирэлт + Бейонсегийн түүхэн амжилт + Nvidia-ийн үсрэнгүй өсөлт: Өнгөрсөн долоо хоногт болж өнгөрсөн хамгийн чухал үйл явдлуулыг тоймлов. Унших

Би хэрхэн ажилладаг вэ?: Монголын випашяна судлалын төвийн тэргүүн Д.Ширэндэв: Буддагийн боловсруулсан бясалгалын техникийг 1997 оноос хойш эх орондоо түгээн дэлгэрүүлж буй Ширэндэв багшийн мэргэжлийн замнал, ажлын арга барилыг хуваалцаж байна. Унших

Номын тухай: Аравдугаар сарын онцлох номууд: Мэдлэгээ тэлж, шинэ санаа олж авахыг хүссэн хүн бүрд зориулан өнгөрсөн сарын шинэ номуудыг жагсаав. Унших

ТҮГЭЭЛТИЙН ЦЭГҮҮД

- Jack’s Coffee | Бүх салбар
- Coffee Namu | Бүх салбар
- Ulaanbaatar Coffee Culture | Бүх салбар
- Tous Les Jours | Central Tower
- Sipster Coffe & Wine House
- Chuu Chuu House
- Science Cafe Ulaanbaatar
- Caffe Bene | Төрийн ордон, TDB, Millenium, УИД, Хүнсний 20, Shangri La, Гутлын 22, Гэгээнтэн, Наадам төв, Хүннү Молл, Макс Молл, Тэнгис, Сансарын Emart, Улаанбаатар их дэлгүүр, СТӨ
- Philosophy Bookstore
- Monte Vino
- Fatima Cafe
- 21 аймгийн Монгол Шуудангийн салбарууд
- Arig Anya | Blue sky, Улаанбаатар зочид буудал, Жуков

Сонинтой холбоотой бүх төрлийн санал хүсэлтийг newspaper@unread.today хаягаар хүлээн авч байна.