Унших үйлийг дэлгэрүүлж, сонины соёлыг сэргээх зорилгоор эрхлэн гаргаж буй долоо хоног тутмын сонины 10 дахь уншигч таны гарт хүрч байна.

Аливаа үйлийн эхлэл гэдэг ямагт тодорхойгүй байдаг. Бид эхний дугаараа гаргахдаа цахим эриний уншигчдад хэвлэмэл агуулга таалагдах эсэх дээр багагүй эргэлзэж байв. Харин 10 дахь дугаараа гаргаж буй энэ цаг үед манай сонин хэдийн тогтмол уншигчтай, тогтсон хэв маягтай болжээ. Сонин уншихын ач тус, давуу талыг долоо хоног бүр олон зуун уншигч шинээр ухаарч, сэргээн санаж байна. Даваа гарагт дандаа гарчигладаг уншигч танд баярлалаа.

Энэ удаагийн сэдэв бол “Боловсролын ирээдүй”. Намар болохтой зэрэгцэн хамгийн их хэлэлцүүлэг өрнөдөг салбар бол боловсрол. Сонины энэхүү дугаартаа бид боловсрол хаашаа чиглэж буйг тодорхойлохыг хичээлээ. Энэ хүрээнд мэдлэгээ тэлэхэд туслах 100 аппыг ч мөн жагсаасан.

Энэ долоо хоногт дурдахгүй өнгөрч үл болох нэгэн үйл явдал нь АНУ-ын Ерөнхийлөгчийн сонгууль. Трамп хоёр дахь удаагаа сонгогдох уу эсвэл АНУ анх удаа эмэгтэй ерөнхийлөгчтэй болох уу гэдэг асуултын хариултыг бид лхагва гарагт мэдэх болно. Дэлхийд хамгийн чухалд тооцогдох энэ сонгуулийн талаарх мэдээллийг A8-A9 өнгөт нүүрээс аваарай.

Мөн бид сонгуулийн үр дүнг хамтдаа үзэх “Watch Party”-г ТэнГэр ТВ-тэй хамтран арваннэгдүгээр сарын 6-ны өдөр 09:00-13:00 цагийн хооронд зохион байгуулах болно. Оролцох хүсэлтэй хүн бүрд нээлттэй. Дэлгэрэнгүй мэдээллийг манай сошиал хуудсаас аваарай.

Сонины энэхүү дугаараа Мобикомтой хамтран бүтээв. Боловсролын ирээдүйг бодитоор авчирч буй тэд “Smart Education IV” төслийнхөө хүрээнд 14 сургуульд орчин үеийн дижитал ангийг байгуулжээ. Хүүхэд залуусын ирээдүйд үнэтэй хувь нэмэр оруулж буй Мобикомын хамт олондоо баярлалаа.


ОНЦЛОХ НИЙТЛЭЛҮҮД

7 хоногийн тойм: Аварга торгууль + Шинэ өрсөлдөгч + Чинээлэг эрхэм: Өнгөрсөн долоо хоногт болж өнгөрсөн хамгийн чухал үйл явдлуулыг тоймлов. Унших

Би хэрхэн ажилладаг вэ?: СЭЗИС-ийн багш, эдийн засагч Ж.Дэлгэрсайхан: СЭЗИС-ийн 100 жилийн түүхэн ойг тохиолдуулан тус сургуулийн багш, эдийн засагч эрхмийн ярилцлагыг хуваалцав. Унших

Тайлбарлах нь: Харрис VS Трамп: Таны мэдэх ёстой бүх зүйл: Энэ долоо хоногт тохиож буй, магад дэлхийн хамгийн чухал сонгуулийн талаар тайлбарлав. Унших

Techworm: Алимтай долоо хоног: Шинэ цагийн Mac-уудтай танилц: Өнгөрсөн долоо хоногийн турш Apple-ийн танилцуулсан шинэ зүйлсийг хураангуйлав. Унших

Мэдүүштэй: Таныг эрдмийн оргилд хүрэхэд гарцаагүй туслах 100 апп: Дотоод болон гадаадын 100 аппыг гадаад хэл, ур чадвар, ерөнхий боловсрол, танин мэдэхүй гэсэн дөрвөн бүлэгт хуваан жагсаав. Унших

ЗАХИДАЛ ИЛГЭЭГЭЭРЭЙ

Энэ долоо хоногоос эхлэн манай сонин захидлын булантай боллоо. Уншигч та бидэн рүү сургамжтай явдал, хөгтэй дурсамж, хайрын түүх, аймшгийн өгүүллэг, шүлэг найраглал зэрэг өөрийн хүссэн сэдвээр захидал илгээгээрэй. Бид долоо хоног бүр А13-р нүүртээ уншигчийн захидлыг нийтэлж байх болно.


ТҮГЭЭЛТИЙН ЦЭГҮҮД

- Jack’s Coffee | Бүх салбар
- Coffee Namu | Бүх салбар
- Ulaanbaatar Coffee Culture | Бүх салбар
- Tous Les Jours | Central Tower
- Sipster Coffe & Wine House
- Chuu Chuu House
- Science Cafe Ulaanbaatar
- Caffe Bene | Төрийн ордон, TDB, Millenium, УИД, Хүнсний 20, Shangri La, Гутлын 22, Гэгээнтэн, Наадам төв, Хүннү Молл, Макс Молл, Тэнгис, Сансарын Emart, Улаанбаатар их дэлгүүр, СТӨ
- Philosophy Bookstore
- Monte Vino
- Fatima Cafe
- 21 аймгийн Монгол Шуудангийн салбарууд
- Arig Anya | Blue sky, Улаанбаатар зочид буудал, Жуков

Сонинтой холбоотой бүх төрлийн санал хүсэлтийг newspaper@unread.today хаягаар хүлээн авч байна.